Ekonomi - Sarkozy Dhe Obama Për Një Përgjigje Të Gjerë Ndaj Trazirave Në Tregje
PARIS, 9 maj /ATSH-AFP/ - Presidenti francez Nicolas Sarkozy dhe homologu amerikan Barack Obama konstatuan sot gjatë një bisede telefonike "një mirëkuptim të plotë lidhur me nevojën e një përgjigjeje të gjerë ndaj trazirave aktuale që kanë prekur tregjet", njoftoi presidenca fraceze.
Pak më parë, Sarkozy dhe kancelarja gjermane Angela Merkel, konstatuan gjithashtu, gjatë një bisede telefonike, "mirëkuptimin e tyre të potë" lidhur me masat që do të njoftohen sot në mbrëmje në Bruksel nga ministrat e Financave të Eurogrupit në përpjekje për të penguar krizën në zonën euro, bëri të ditur presidenca franceze.
"Ata konstatuan mirëkuptimin e plotë lidhur me masat që do të njoftohen këtë mbrëmje nga Ecofin (këshilli i ministrave të Financave të BE-së) në linjën e konkluzioneve të Eurogrupit i mbledhur në nivel kryetarë shtetesh dhe qeverish, të premten", shtoi i njëjti burim në një komunikatë.
Këto dy bisedime zhvillohen pikërisht përpara fillimit të një mbledhjeje ndërministrore në Elize për analizën e situatës përpara hapjes së tregjeve ditën e nesërme.
/I.Pu.
