Bruksel, 10 Maj, NOA – Pas luhatjeve të kohëve të fundit, monedha e përbashkët evropiane, euro, ka njohur rritje në tregjet financiare në Azi dhe në Evropë.
1 euro është shkëmbyer mëngjesin e sotëm me 1.29 dollarë, derisa të premten 1 euro ishte shkëmbyer me 1.27 dollarë, raportojnë media ndërkombëtare.
Rritja e vlerës së euros erdhi pas miratimit të paketës së ndihmës për Greqinë dhe pas vendimit për krijimin e një fondi në ndihmë të euros. Ky fond do të jetë në vlerën e 750 miliardë eurove.
Ky është e efekti i parë që kanë dhënë masat e marra nga vendet e Bashkimit Europian. Ndërkohë që në takimin e kryeministrave të BE-së u ra dakord për masa më strikte dhe një vizion më afatgjatë në lidhje me të ardhmen e monedhës së përbashkët, duke shmangur abuzimet dhe spekulimet në treg.
m.xh/NOA/RFE
