Gjirokastër: Policia, Kontroll Në Lazarat Për Bimë Narkotike
GJIROKASTËR, 10 Maj/ATSH, T.Skuqi/ - Policia e Gjirokastrës ushtroi të hënën për herë të dytë kontroll në Lazarat për të parandaluar kultivimin e bimëve narkotike.
Drejtoria e Policisë së Qarkut të Gjirokastrës bëri të ditur për ATSH-në, se "kontrolli i policisë lokale u përqëndrua në lagjet "Lënxatë" dhe "Breg" në thellësi të fshatit, ku pas krehjes së zonës nuk u evidentua asnjë parcelë me bimë narkotike".
Kontrolli do të rifillojë nesër edhe në dy lagjet e mbetura të fshatit, thanë burime zyrtare.
Dy ditë më parë, policia e Gjirokastrës nisi fazën e dytë të Planit të Veprimit, që sipas policisë është ndarë në tre faza: komunikim, identifikim dhe goditje.
Fshati Lazarat gjendet rreth 3 kilometra larg qytetit të Gjirokastrës./ch/
