Londër, 10 maj, NOA –Lideri i Partisë Laburiste, Gordon Brawn, ka pohuar sot për mediat se ka ndërmend të japë dorëheqjen nga drejtimi i kësaj force politike britanike dhe se deri në shtator, ai do të largohet edhe nga kryesimi i qeverisë, pas humbjes së zgjedhjeve të fundit.
Kjo sipas tij, do të ndodhë, pasi dy palët e tjera që morën pjesë në zgjedhje, janë duke kërkuar kompromisin për të bashkëqeverisur vendin, kuptohet, edhe me ndihmën e laburistëve, të cilët nuk kanë më luksin të jenë ata që vendosin rregullat e lojës.
Duket se lideri britanik, i partisë e cila e ka kryesuar vendin prej 13 vitesh me radhë, e ka pranuar humbjen dhe është qartësisht i bindur se duhet ta lërë drejtimin e partisë pasi nuk i siguroi dot fitoren në zgjedhje.
Në zgjedhjet e fundit, konservatorët e opozitës, të kandidatit David Cameron, fituan rreth 300 vende në parlamentin me 650 vende, ndërsa laburistët e kryeministrit Gordon Brown morën rreth dhe liberal-demokratët 60 vende.
n.e/NOA
