Libi/ Aksident Ajror - Gjenden Trupat E 96 Viktimave
TRIPOLI, 12 maj /ATSH-ANSA/ - Ministri libian i Transporteve, Mohammed Zidani, deklaroi pak më parë se deri tani janë gjetur trupat e 96 viktimave ndër mbetjet e Airbus A330 që u rrëzua mëngjesin e sotëm në aeroportin e Tripolit. Nga 104 personat që ndodheshin në bord arriti të shpëtonte vetëm një fëmijë holandez dhjetë vjeçar.
Ministri theksoi se avioni ishte blerë nga kompania libiane Afriqiyah në shtator të vitit 2009.
Shkaqet e tragjedisë nuk dihen ende. Një gazetar libian, Ali Mustafa Abdel-Latif, deklaroi për televizionin satelitor Al Arabiya se "aksidenti duket se nuk ka lidhje me praninë e pluhurit vullkanik islandez pranë Marokut". Sipas gazetarit më së shumti flitet për mundësinë e gabimit të pilotit.
/e.v/
