Serbi - Brammertz: Shërbimet Serbe Të Sigurisë Kanë Punuar Për Arrestimin E Mladiçit
BEOGRAD, 15 maj /ATSH-AFP/ - Shërbimet serbe të sigurisë po punojnë më shumë për arrestimin e ish-shefit ushtarak të serbëve në Bosnje-Hercegovinë, Ratko Mladiç, theksoi prokurori i Gjykatës Penale Ndërkombëtare (TPI), Serge Brammertz.
"Ka përmirësime të mëdha në punën e shërbimeve serbe të ngarkuar për organizimin dhe koordinimin në lidhje me arrestimin e Mladiçit'', deklaroi Brammertz në një intervistë për të përditshmen ''Danas'' publikuar sot.
"Para vitit 2008, planifikimi dhe koordinimi mes shërbimeve të ndryshme të sigurisë ishin të pakënaqshme. Ka pasur mangësi në menaxhimin e shërbimeve të sigurisë civile, që nuk kanë analizuar informacionet që dispononin.
Brammertz deklaroi për gazetarët se ''ishte i kënaqur nga puna e shërbimeve sekrete serbe, të cilat që prej vitit 2008 kanë punuar jo vetëm me pistat e reja, por kanë rishqyrtuar gjithashtu informacionet e vjetra''./
/ec/ a.jor.
