Prizren, 16 Maj 2010 NOA – Dy persona të maskuar kanë hyrë në një kazino duke krijuar çaste paniku dhe terrori pasi të maskuar dhe të armatosur kanë realizuar një grabitje të dhunshme.
Ngjarja ka ndodhur në orën 02.30 të mëngjesit në Prizren, te një kazino klub te Rruga e Flamurit, raporton korrespondenti i agjencisë NOA.
Policia e Kosovës tha se ngjarja ndodhi në orën 02.30 në kazino klub-in e rrugës së Flamurit, në momentet kur atje ndodheshin një femër dhe dy meshkuj shqiptarë.
Në ato çaste, sikundër raportuan dëshmitarët, kanë hyrë dy persona të dyshuar me maska dhe me rroba të zeza njëri prej tyre me pistoletë dhe nën kërcënimin e armës iu ka grabitur një shumë të parave që për momentin nuk dihet shuma.
a.b/NOA
