Ekon - Spanjë - Van Rompuy: Euro Është Një Monedhë Shumë E Fortë
MADRID, 18 maj /ATSH-AFP/ - Presidenti i Bashkimit Evropian, Herman Van Rompuy nënvizoi sot se euro është një monedhë shumë e fortë, pas uljes që pësoi monedha evropiane ndaj dollarit përballë frikës nga deficitet dhe rimëkëmbjes ekonomike në Evropë.
"Euro është një monedhë shumë e fortë'', deklaroi presidenti i Bashkimit Evropian i pyetur nga shtypi në përfundim të një samiti BE-Amerikë Latine përsa i përket zhvlerësimit të monedhës së vetme evropiane.
"Për 11 vjet, inflacioni ishte më pak se dy për qind dhe ne kemi 11 vjet me çmime të stabilizuara'', shtoi ai.
''Ne kemi një ekuilibrim të pagesat dhe një deficit buxhetor dy herë më pak se vendet e tjera me ekonomi në zhvillim'', theksoi zyrtari evropian duke iu referuar vendeve të zonës euro./
/ec/ a.jor.
