Aksident/Kaczynski - Rusia: Prani E Personave Të Tjerë Në Kabinën E Pilotit
MOSKË, 19 maj /ATSH-AFP/ - Disa persona që nuk ishin pjesë ekuipazhit ndodheshin në kabinën e pilotit të avionit të presidentit polak, Lech Kaczynski para se ky i fundit të rrëzohej, deklaroi sot në Moskë shefja e komisionit të aviacionit intertaktik, me bërjen publike të rezultateve të para të hetimeve.
"Është zbuluar se në kabinën e pilotit ndodheshin edhe disa persona të tjerë që nuk ishin anëtarë të ekuipazhit. Kemi arritur të identifikojmë zërin e njërit prej tyre, tjetri ose të tjerët duhet të identifikohen nga pala polake", deklaroi Tatiana Anodina, shefe e organizatës së krijuar për hetimin e aksidenteve ajrore që lidhen me vendet ish-sovjetike.
Ajo nuk saktësoi asnjë hollësi lidhur me identitetin e personit të identifikuar dhe as për përmbajtjen e bisedës së realizuar në kabinën e pilotit, gjatë konferencës së shtypi që kishte si qëllim të bënte publike konkluzionet e para të hetimeve.
Përfaqësuesi polak, Edmund Klich, nga ana e tij deklaroi për shtypin se ''nuk besonte'' që kjo prani e dikujt jo anëtar të ekuipazhit të mund të jetë shkaku i katastrofës./
/i.p/
