Korçë, 21 maj, NOA – Një 23-vjeçare e ka rrahur aq shumë fëmijën e saj, saqë e ka çuar me duart e saj drejt vdekjes së sigurt, duke bërë të vlefshme në këtë rast shprehjen e njohur “E rrahu për vdekje”.
Ngjarja tragjike ka ndodhur sot ora 12.00 në fshatin Zemblak të komunës Pojan në rrethin e Korçës, i konfirmoi agjencisë NOA, drejtori i Policisë së Korçës, Drejtues Bernard Çaushaj.
Sipas tij, autorja e dyshuar e krimit mban emrin Sonila Lumi, lindur në Bilisht dhe banuese në Zëmblak, një e re pa arsimim dhe pa profesion.
Viktima është K.L, një vjeç e gjashtë muajshe, fëmijë e Sonila Lumit që besohet ta ketë beben me bashkëjetuesin e saj, E.Hoxhalli.
Burime zyrtare policore thanë për agjencinë e Lajmeve NOA se e dyshuara Sonila Lumi bashkëjetonte prej disa kohësh me një çoban me emrin E.Hoxhalli, 27-vjeç, edhe ky banues në fshatin Zemblak.
Autoritetet përkatëse kanë nisur menjëherë procedimin penal ndaj nënës vrasëse, ndërsa e akuzojnë atë për veprën penale “Vrasje me dashje në rrethana të tjera cilësuese”, parashikuar nga neni 79 i Kodit Penal.
n.e/NOA
