Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Kryesia e BDI: Nuk jemi për largim nga qeverisja
English

Kryesia e BDI: Nuk jemi për largim nga qeverisja

Shkup, 23 Maj, NOA - Kryesia e partisë Bashkimi Demokrat për Integrim mbrëmë ka mbështetur vendimin e liderit të saj, Ali Ahmeti për të mos braktisur qeverinë.

Një zyrtar i lartë i partisë shqiptare në pushtet, ka bërë të ditur se brenda këtij subjekti ka pakënaqësi të mëdha lidhur me gjendjen aktuale, siç është injorimi i kërkesave të fundit të BDI-së nga ana e VMRO-DPMNE-së.

“Ka zëra të ndryshëm që kërkojnë në kryesi braktisjen e bashkëqeverisjes me VMRO-DPMNE-në e Gruevskit, presionet vijojnë ndaj kreut të partisë, mirëpo autoriteti i Ahmetit edhe më tej ngelet e palëkundur. Ndërsa, partia jonë i ka dhënë atij të gjitha kompetencat që në mënyrë individuale më në fund të vendos braktisjen ose jo të Qeverisë”, ka theksuar përfaqësuesi i lartë i BDI-së.

Kryetari i kësaj partie, Ali Ahmeti dje deklaroi se nuk do të braktisë qeverinë dhe se do të vijojë që zgjidhjen e kërkesave ta bëjë nëpërmjet rrugëve institucionale, duke mbështetur edhe integrimin e vendit në strukturat euroatlantike.

Ahmeti këtë qëndrim e ka shpalosur dje në selinë e partisë së tij pas një takimi të zhvilluar me ambasadorin amerikan, Filip Riker.

NOA-INA

KOMENTE