Rusi - Vdes Në Moshën 95-Vjeçe Një Dukeshë E Dinastisë Romanov
MOSKË, 24 maj /ATSH-AFP/ - Dukesha Leonida Guerguievna Romanova vdiq sot në Madrid në moshën 95 vjeç, njofton AFP-në një përfaqësues i familjes së carit të fundit të Rusisë, Romanovët.
"Princesha e familjes mbretërore të Rusisë vdiq gjatë natës së djeshme në Madrid, në moshën 95-vjeç", njoftoi drejtori i kancelarisë së shtëpisë Romanov", Aleksandër Zakatov.
Leonida ishte nëna e dukeshës Maria Vladimirovna, shefe e shtëpisë perandorake Romanov, shtoi ai.
"Ajo ishte gjithashtu përfaqësuesja e fundit e shtëpisë Romanov që ka lindur përpara Revolucionit rus të vitit 1917 në territorin e perandorisë së madhe ruse, Tiflis, Tbilisi i vjetër, kryeqyteti i Gjeorgjisë", shtoi ai.
Dukesha do të varroset siç dëshironte ajo përkrah bashkëshortit, Vladimir Kirilloviç, në Shën-Petërburg.
Leonida, pasi ka jetuar për një kohë të shkurtër në Gjermani pas revolucionit, ishte kthyer më tej në Gjeorgji, në atë kohë republikë e BRSS-së, ku jetoi deri në vitin 1931 pavarësisht fushatave të represionit të pushtetit sovjetik kundër përfaqësuesve të regjimit të vjetër, bëri të ditur Zakatov.
/I.Pu.
