Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Rama:Të Gatshëm Për Zgjidhjen E Krizës, Pala Tjetër Të Mos Vonojë
English

Rama:Të Gatshëm Për Zgjidhjen E Krizës, Pala Tjetër Të Mos Vonojë

TIRANË, 25 Maj/ATSH-Anila Struga/.- Kryetari i Partisë Socialiste, Edi Rama, shprehu sot gatishmërinë e opozitës për zgjidhjen e krizës, ndërsa kërkoi nga pala tjetër të mos e vonojë pranimin e zgjidhjes. "Zgjidhja e kompromisit është në tavolinë dhe ne jemi gati për zgjidhjen. Pala tjetër nuk ka pse fshihet pas alibive, që tanimë janë rrëzuar dhe as duhet ta vonojë pranimin e zgjidhjes, duke u faturuar shqiptarëve pasoja të pamerituara dhe duke shtuar pa asnjë të drejtë peshën e krizës me pasoja të pallogaritshme për ecurinë e vendit në rrugën e integrimit europian", tha kryetari socialist Rama në një deklarate për shtyp. Sipas tij, "kriza e thellë ku zhytet çdo ditë Shqipëria kërkon zgjidhje dhe opozita është e gatshme të japë zgjidhjen e duhur, duke bërë kompromisin e duhur, por pa cënuar transparencën në respekt të Kushtetutës". Rama iu bashkua shqetësimit të shprehur dje nga Ambasadori i SHBA-së në Tiranë, John Withers, për gjendjen e drejtësisë në vend, nisur nga rrëzimi në parlament i kandidaturës së Vangjel Kostës, i propozuar nga Presidenti i Republikës, për anëtar të Gjykatës Kushtetuese. "Ky ishte një rrëzim për motive të errëta dhe në kundërshtim të plotë me frymën e transparencës dhe kushtetueshmërisë", u shpreh kryetari i PS-së në deklaratën e sotme për shtyp./s.s./
KOMENTE