Topi Dhe Withers- Bisedime Për Situatën Në Vend Dhe Çështjet E Gjyqësorit
TIRANË, 2 Qershor/ATSH/.- Presidenti i Republikës, Bamir Topi pati sot një takim pune me Ambasadorin e SHBA-së në Tiranë, John Withers, bëjnë të ditur burime zyrtare nga Presidenca.
Sipas tyre, biseda mes Kreut të shtetit shqiptar dhe përfaqësuesit diplomatik të aleatit më të madh dhe partnerit më të rëndësishëm strategjik të Shqipërisë, u përqëndrua në situatën aktuale politike në vend dhe çështjeve të gjyqësorit shqiptar për sa u përket zhvillimeve më të fundit në këtë spektër./a.s//n.m/
