Athinë, 3 Qershor, NOA – Shteti fqinj, Greqia, është përfshirë sërish në protesta të mëdha ditën e sotme në kuadrin e reagimit kundërshtues qytetar kundrejt planit për kursim të qeverisë Papandreu.
Ky i fundit parashikon ulje të pagave të shërbyesve civilë, si edhe pensioneve.
Mediat vendase bëjnë me dijeni se gazetarët grekë dhe punëtorët e transportit publik, sot po mbajnë protestë 24-orëshe.
Kështu, në radion dhe televizionin grek nuk do të ketë program, ndërsa në Athinë nuk do të funksionojë transporti publik. n.e/NOA
