Afganistan - Isaf: Eliminohet Një Shef I Lartë I Talebanëve Në Kandahar
KABUL, 4 qershor /ATSH-ANSA/ - Kreu më i lartë i operacioneve të talebanëve në Kandahar, kryeqendra e provincës së trazuar jugore afgane, është eliminuar javën e kaluar gjatë një operacioni ushtarak afgano-ndërkombëtar, njoftoi sot nga Kabuli Forca Ndërkombëtare e Mbështetjes së Sigurisë (ISAF).
Në një komunikatë theksohet se vrasja e Mullah Zergay, i cili konsiderohej një nga krerët e pamëshirshëm taleban dhe i aftë të ndërtonte eksplozive artizanalë, ndodhi në distriktin Zharay.
Eliminimi i Zergayt, thuhet në fund të komunikatës, konsiderohet një nga humbjet më të mëdha për elitën drejtuese të talebanëve në Afganistanin jugor.
/e.v/
