Bursat - Evropa Dobësohet Përballë Wall Street, Milano Dhe Madridi -3%
MILANO, 4 qershor /ATSH-ANSA/ - Regjistrohen të dobëta të dhënat e para në bursat evropiane, të penalizuara nga rritjet në Wall Street pas publikimit të statistikave makroekonomike të SHBA-së për punësimin, nga alarmi për ekonominë hungareze lëshuar nga një zëdhënës i qeverisë së Budapestit dhe nga lajmet për mundësinë e humbjeve të "Societe' Generale" lidhur me derivatet, çka shoqëria franceze e mohon, njoftoi agjencia e lajmeve Bloomberg që citon analistët e ekonomisë.
Nën presion është vënë sektori bankar (-3%), së bashku me atë të automjeteve (-2.49%), ndërtimit (-2.45%) dhe sigurimeve (-2.63%).
Rënie më të lehtë ka pësuar sektori energjetik, me -0.53% dhe ai i telekomunikacioneve me -0.58%.
Më poshtë vijojnë treguesit kryesorë të bursave më të mëdha evropiane.
- Londër -1,58%
- Paris -2,61%
- Frankfurt -1,61%
- Madrid -3,57%
- Milano -3,21%
- Amsterdam -1,70%
- Stokholm -1,64%
- Zyrih -1,44%
- Athinë -5,59%
- Budapest -9,04%
/e.v/
