Warning: file_get_contents(https://www.njoftime.net/service/xml-last-ads/): failed to open stream: Connection refused in /var/www/vhosts/lajme.gen.al/httpdocs/v2/site/controllers/genel.php on line 1153
AMC dhe Korpusi i Vullnetarëve, aksione në dobi të mjedisit
English

AMC dhe Korpusi i Vullnetarëve, aksione në dobi të mjedisit

Në kuadrin e Ditës Ndërkombëtare të Mjedisit

Tiranë, 5 Qershor 2010 NOA - Pesë qershori është Dita Ndërkombëtare e Mjedisit dhe në të gjithë botën organizohen aktivitete masive në mbrojtje të natyrës. Në këtë ditë Forumi i Mendimit të Lirë me Korpusin e Vullnetarëve i mbështetur nga AMC, kanë organizuar aksionin masiv të radhës për pastrimin e zonave bregdetare nga papastërtitë si dhe ndërgjegjësimin për ruajtjen e ambientit.

Ky është viti i dytë radhazi që AMC mbështet Korpusin e Vullnetarëve në realizimin e aksioneve të tyre në dobi të mjedisit. Qëllimi i këtyre aksioneve nuk është vetëm pastrimi i ambientit nga mbeturinat por edhe ndërgjegjësimi i përdoruesve të këtyre hapësirave për rëndësinë që ka ruajtja e mjedisit. Ashtu si edhe vjet në këto aksione janë përfshirë edhe punonjës të AMC që i janë bashkuar vullnetarëve në terren.

Ditën Ndërkombëtare të Mjedisit, në aksionin për pastrimin e zonës turistike të Gjirit të Lalzit u përfshinë mbi 150 vullnetarë nga qyteti i Tiranës, Durrësit si edhe banorë të zonave përreth. Në këtë aksionin u përfshinë edhe punonjës të pushtetit vendor të cilët edhe falënderuan Korpusin e Vullnetarëve dhe AMC për ndihmesën që japin në pastrimin dhe ruajtjen e ambientit në Gjirin e Lalzit.

Vullnetarët u organizuan në dy grupe duke bërë të mundur pastrimin e pjesës së bregdetit si edhe të pyllit pranë nga mbetjet e pushuesve të pakujdesshëm. Vullnetarët gjatë këtij aksioni mundën të pastronin pjesën më të madhe të zonës turistike si edhe të komunikonin me pushues dhe biznese lokale për rëndësinë e ruajtjes së mjedisit. Në përfundim të aksionit të organizuar nga Korpusi i Vullnetarëve dhe AMC plazhi dhe zona e pyllit përreth kishte rreth 100 thasë mbeturina më pak të cilat u ngarkuan në një kamion për t’u dërguar në pikën e grumbullimi.

Me moton “Një botë plot përkujdesje ndaj ambientit është në të mirën e të gjithëve”, në politikat e saj AMC ka mbështetur përherë nismat në të mirë të ambientit. Për AMC është shumë i rëndësishëm raporti harmonik midis veprimtarisë së përditshme dhe kujdesjes ndaj ambientit.

r.n/NOA

KOMENTE