Kronika - Shkurt - Elbasan- Atsh, 9 Qershor
Bie ne kontakt me rrymen elektrike, vdes elektriçisti
Një 57- vjeçar me profesion elektriçist ka gjetur vdekjen sot teksa rregullonte telat në kabinën elektrike. Zëdhënësja e Policisë, Valbona Begu, tha për ATSH-në se "57- vjeçari Nazmi Dervishi ka gjetur vdekjen në spitalin kirurgjik të Elbasanit si pasojë e kontaktit elektrik. Ky shtetas ka qenë duke rregullluar disa tela në kabinën elektrike të lagjes ku edhe banonte "Fushë Mbret", por trupi i tij ka rënë në masë me telat elektrike e për pasojë ka gjetur vdekjen".
Arrestohet pedofili 23-vjeçar
Nje pedofil 23-vjeçar eshte arrestuar sot, pasi ka përdhunuar sistematikisht nje 6-vjeçar. Burime të Policisë lokale bënë të ditur për ATSH-në se "6 -vjeçari me iniciale R.K dyshohet se është përdhuar nga një 23 vjeçar sistematikisht gjatë këtij muaji, ndërsa ka qenë nëna e të miturit që ka denoncuar në Polici".
Ngjarja e rëndë, sipas burimeve zyrtare të Policisë lokale, ka ndodhur në fshatin Shushicë të komunës me të njëjtin emër në periferi të qytetit të Elbasanit. Autori i kësaj ngjarjeje eshte shtetasi me inicialet M.D, 23 vjeç, banor i këtij fshati. /M.Sadiku//a.ke/
