Rusi - Vdes Marina Semenova Legjenda E Baletit Rus
MOSKË, 9 qershor /ATSH-AFP/ - Balerina ruse, Marina Semenova, legjenda e baletit klasik në kohën sovjetike vdiq në shtëpinë e saj në moshën 102-vjeçare, njoftoi sot teatri i njohur ''Balshoi'' në Moskë.
''Balshoi', ashtu si të gjithë përfaqësuesit e baletit rus shprehën keqardhjen për vdekjen e Marina Semenovës'', deklaroi drejtori i përgjithshëm teatrit, Anatoli Iksanov, cituar nga agjencia e lajmeve ''RIA Novosti''.
"Një legjendë që shkroi faqet më të mira të 'Balshoit' u nda nga jeta. Deri në momentet e fundit të jetës, Marina Semenova ka qënë besnike e Balshoit ku shkëlqeu si balerinë e parë'', shtoi ai.
Lindur më 1908, Marina Semenova, e cila filloi karrierën e saj në Kirov dhe u shfaq për herë të parë para publikut në vitin 1925, në baletin "La Source" e Leo Delibes, të kompozitorit francez, magjepsi spektatorët.
Pesë vjet më pas ajo hyri në ''Balshoi'', ku u bë shumë shpejt idhulli i moskovitëve./
/ec/ a.jor.
