Lindje E Mesme - Flotilja - Forumi Turko-Arab Dënon Sulmin E Izraelit
STAMBOLL, 10 qershor /ATSH-ANSA/ - Vendet pjesëmarrëse në Forumin e tretë për bashkëpunimin turko-arab në Stamboll dënuan sot sulmin e 31 majit të marinës izraelite kundër një anije turke pasagjerësh me ndihma humanitare drejt Gazës, njoftoi agjencia turke e lajmeve Anadolli.
Në Forum morën pjesë ministrat e Jashtëm dhe të Ekonomisë nga rreth 15 vende, sekretari i përgjithshëm i Lidhjes Arabe, Amr Moussa dhe kryeministri libanez Saad Hariri.
Në një deklaratë të shpërndarë në përfundim të punimeve, thuhet se "për të hetuar sulmin izraelit duhet të ngrihet një komision hetimor ndërkombëtar i pavarur dhe i duhet dhënë fund embargos në Gaza për paqen dhe stabilitetin në rajon".
/e.v/
