Soft News - Jugu I Francës Dëshmitar I Breshërit Me Kokrra Sa Një... Top Tenisi!
PARIS, 10 qershor /ATSH-MIA/ - Moti i keq, që përfshiu pjesën lindore të Francës, shkaktoi dëme të mëdha materiale në zonën Dub, pasi një breshër që zgjati vetëm 15 minuta, i kishte kokrrat me madhësinë e topave të tenisit.
Breshëri i konsideruar mizor shkaktoi dëme të mëdha materiale duke shkatërruar kulme ndërtesash dhe duke thyer verandat e qelqta të shumë banesave.
Breshëri i fortë ka dëmtuar seriozisht edhe rreth 1 000 makina duke thyer xhamat e tyre dhe duke shkaktuar vrima në karroceritë.
Më i godituri ishte qyteti Montbeliar. Fasadat e shumë ndërtesave në këtë qytet janë dëmtuar seriozisht dhe kryetari i komunës vendosi sot mbylljen e të gjitha shkollave.
Për fat të mirë, gjatë këtij fenomeni të rrallë meteorologjik nuk pati viktima./
a.jor.
