Turqi - Erdogan: Të Votonim Kundër Iranit Do Të Ishte Një Akt I Turpshëm
STAMBOLL, 10 shkurt /ATSH-AFP/ - Kryeministri turk, Recep Tayyip Erdogan kërkoi sot të justifikojë ''jo-në'' e vendit të tij në lidhje me sanksionet e reja të OKB të vendosura një ditë më parë kundër Iranit duke konfirmuar se nëse do të kishte vepruar ndryshe do të ishte e turpshme për Ankaranë.
"Nëse ne nuk do t'i kishim thënë ''jo'', do të kishim mohuar veten dhe nënshkrimet tona'', theksoi Erdogan duke iu referuar nënshkrimit në muajin maj nga vendi i tij, Brazili dhe Irani të një marrëveshjeje për këmbimin e lëndës djegëse bërthamore iraniane, marrëveshje që shkaktoi pakënaqësi tek perëndimorët.
"Do të ishte një veprim i turpshëm të votonim në favor të sanksioneve kundër Iranit'', theksoi ai në një fjalim me rastin e një forumi diplomatik dhe ekonomik turko-arab mbledhur në Stamboll./
/ec/ a.jor.
