Ekon - Banka Qendrore Evropiane E Kënaqur Nga Situata Financiare Në Greqi
VJENË, 11 qershor /ATSH-MIA/ - Banka Qendrore Evropiane është e kënaqur nga zhvillimi i situatës financiare në Greqi për konsolidimin e buxhetit, deklaroi presidenti i kësaj banke, Jean-Claude Trichet.
"Në Greqi ka shenja se konsolidimi buxhetor po përparon mirë në pesë muajt e parë të vitit 2010", theksoi Trichet.
Sipas tij, ndryshimet janë në korrelacion me reformat strukturore dhe lejojnë rimëkëmbjen e besimit.
Ai shtoi se edhe shtetet tjera po përpunojnë masa për konsolidimin e buxhetit.
Shefi i bankës bëri paralele mes krizës financiare dhe katastrofës ekologjike në Gjirin e Meksikës dhe, sipas tij, mund të nxirren shumë mësime nga situata të tilla krize./
a.jor.
