Ekonomi - Greqi - Moody'S E Ul Vlerësimin Duke E Rivendosur Në Kategorinë Spekuluese
PARIS, 14 qershor /ATSH-AFP/ - Agjencia e kontrollit Moody's e uli sot vlerësimin për Greqinë me katër shkallë, nga "A3", duke e rivendosur në kategorinë spekuluese, gjë që pasqyron një rrezik për mosshlyerjen e borxhit të saj publik.
"Vlerësimi Ba1 pasqyron rreziqet lidhur me planin e shpëtimit të miratuar nga vendet e zonës euro dhe Fondi Monetar Ndërkombëtar", shpjegoi Moody's në një komunikatë.
Agjencia ka paralajmëruar në maj se mund ta ulë vlerësimin për Greqinë në kategorinë spekuluese.
Edhe dy agjenci të tjera kanë ulur deri tani vlerësimet e tyre për Greqinë. Ajo është vlerësuar me BB+ nga Standart and Poo'r, që e radhit atë në kategorinë e investimeve spekuluese dhe BBB- nga Fitch.
/I.Pu.
