Fishë Teknike - Historia E Kampit Të Përqëndrimit Në Aushvic-Birkenau
U
VARSHAVË, 14 qershor /ATSH-AFP/ - Kampi i vdekjes si Aushvicit i ngritur më 1940 nga Gjermania nazite në jug të Polonisë së pushtuar, mbetet simbol i tmerrit të Luftës së Dytë Botërore dhe Holokaustit, pasi shërbeu si vendi i ekzekutimit të 1,1 milionë personave, një milionë prej të cilëve hebrenj.
Më poshtë vijon kronologjia e historisë së tij, bazuar mbi informacione nga muzeu
Aushvic-Birkenau:
1939:
1 shtator: Pushtimi i Polonisë nga Gjermania naziste dhe fillimi i Luftës së Dytë Botërore. Nazistët masakrojnë hebrenjtë dhe i mbyllin nëpër geto. Ata eliminojnë elitën polake dhe tentojnë të dominojnë opozitën klandestine. Pas mbushjes së burgjeve ata ndërtojnë kampet e përqendrimit.
27 prill: Shefi i SS Heinrich Himmler zgjedh vendin e një ish-kazerme në Oswiecim, një qytet në jug të Polonisë i riquajtur Aushvic.
14 qershor: Mbërrin në kamp grupi i parë prej 728 të burgosurish politikë polakë.
1941:
1 mars: Himmler inspekton Aushvicin dhe urdhëron zgjerimin e tij.
22 qershor: Gjermania sulmon ish-Bashkimin Sovjetik (BRSS). Të burgosurit e luftës sovjetike dërgohen në Aushvic.
3 shtator: Vrasja e parë masive me gaz Zyklon B e rreth 600 të burgosurve sovjetik dhe polakë.
1942:
20 janar: Konferenca e Wannsee pranë Berlinit jep zgjidhjen përfundimtare, shkatërrimi i plotë i hebrenjve evropianë. Dhomat e gazit vihen në punë në Aushvic.
Pranverë: Fillon internimi në Aushvic i hebrenjve të Evropës të pushtuar.
1 mars: Hapet Aushvic II-Birkenau.
1943:
26 shkurt: Hapet në Birkenau një kamp për romët.
1944:
Maj: Avionët aleatë fotografojnë nga lart Aushvicin, me dhomat e gazit dhe furrat me tym.
2 gusht: 3 000 romë vdesin nga gazi.
7 tetor: Kryengritja e "Sonderkommando", të burgosurit hebre të punësuar në shërbimet e furrave krematore. Tre SS dhe 450 të burgosur vriten
Nëntor: Ndërpritet vrasja masive e hebrenjve.
1945:
21-26 janar: Gjermanët mbyllin dhomat e gazit dhe furrat krematore, para se të largohen.
27 janar: Mbërritja e trupave sovjetikë që zbulojnë në vend 7 000 të mbijetuar./
/ec/ a.jor.
