Krujë, 14 qershor NOA – Pas aksidentit të paradites një tjetër incident rrugor ka ndodhur në superstradën Fushë Krujë – Laç rreth orës 13.00 të ditës së sotme, raporton korrespondenti i agjencisë NOA.
Në aksident janë përfshirë një automjet tip Benz me targa SH 5840 E, i cili sipas policisë ka dalë nga korsia e tij dhe është përplasur me automjetin tip Audi me targa BR 9007 A të drejtuar nga B.L., 50 vjeç, nga Berati.
Së bashku me 50-vjeçarin beratas në automjet udhëtonte si pasagjer P.Gj.nga Tirana dhe për pasojë ka mbetur i dëmtuar në krahun e djathtë. I plagosuri ka marrë ndihmë mjekësore në Ambulancën e qytetit Fushë Krujë.
Më herët sot, një tjetër aksident me tre të plagosur, ndodhi në aksin rrugor nacional Fushë Krujë – Krujë.
r.n/NOA
