Kinë - Të Paktën 24 Viktima Dhe 23 Të Zhdukur Nga Rrëshkitje Dherash
PEKIN, 15 qershor /ATSH-AFP/ - Të paktën 24 persona mbetën të vdekur sot dhe 23 janë deklaruar të zhdukur, pas rrëshkitjeve të konsiderueshme të dherave të provokuara nga reshjet e dendura të shirave dje dhe sot në jug të Kinës, njoftuan mediat vendase.
Rrëshkitja e pjesshme e një faqeje të një mali ka shkaktuar vdekjen e të paktën 23 personave sot dhe plagosjen e mbi shtatë të tjerëve në zonën e Kangdingut, në provincën jugore Siçuan.
Një sasi e madhe dherash kanë mbuluar një kantier ndërtimi ku ndodheshin shumë punëtorë ku një pjesë e tyre ishin në punë e sipër dhe një pjesë në fjetoret e tyre, njoftoi agjencia e lajmeve zyrtare kineze Hsinhua.
Shtatë persona të tjerë u palgosën, ndër të cilët tre në gjendje vërtet kritike për jetën, shtoi agjencia.
Ndërkohë që ekipet e shpëtimit që po operojnë në një terren shumë të vështirë kanë arritur të gjejnë një trup të pajetë nën disa gërmadha barakash, të mbuluara nga sasi të mëdha dheu./
/i.p/
