Britani E Madhe - Në Rënie Papunësia Dhe Kërkesat Për Ndihmë Sociale
ROMË, 16 qershor /ATSH-ANSA/ - Shënon rënie papunësia në Britaninë e Madhe dhe është reduktuar më shumë nga çfarë ishte parashikuar numri i kërkesave për ndihmë sociale.
Niveli i papunësisë, në tremujorin shkurt-prill, është reduktuar nga 8 për qind në 7.9 për qind.
Në tremujorin e parë të vitit 2010, sipas të dhënave të Zyrës Kombëtare të Statistikave, numri i të papunëve u reduktua në 2,472 milionë nga 2,51 milionë.
Rënie të konsiderueshme kanë pësuar edhe kërkesat për ndihmë sociale. Në maj u shënua një reduktim me 30900 kërkesa, shumë më tepër nga çfarë ishte parashikuar nga ekonomistët. Gjithsej numri i qytetarëve britanikë të cilët marrin ndihmë sociale aktualisht shënon 1,48 milionë, që përfaqëson edhe nivelin më të ulët në 14 muaj
/e.v/
