Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Policia: Diplomat false të Juridikut, nxirreshin për 2 muaj pasi depozitoheshin eurot
English

Policia: Diplomat false të Juridikut, nxirreshin për 2 muaj pasi depozitoheshin eurot

Tiranë, 16 Qershor, NOA Update – Ndërsa personat e interesuar depozitonin 7 mijë eurot në llogaritë bankare të falsifikatorëve, këta të fundit nisnin nga puna dhe brenda dy muajve kohë arrinin t’u jepnin në dorë një diplomë Juridiku false, që ngjante si e vërtetë.

Kjo është skema që realizonin 4 të arrestuarit e sotëm nga forcat e Policisë së Tiranës në kuadër të operacionit policor të koduar “Juristi”, për ndarjen e diplomave false, kundrejt pagesës prej 7 mijë eurosh.

E konfirmuar prej tyre për agjencinë e Lajmeve NOA, skema sqaron sesi njëri nga 4 të arrestuarit, konkretisht, Adriatik Koçi 45 vjeç, ishte me profesion përkthyes në disa gjuhë të huaja, ndërsa dy të tjerët Medat Kasa 54 vjeç e Anai Muça 64 vjeç, ndihmonin në falsifikimin e dokumentave dhe personi i fundit, Fadil Gurri 43 vjeç rezultonte të ishte me punë në sektorin privat-tregtar.

“Këta persona në bashkëpunim me njëri-tjetrin si dhe persona të tjerë, bënin të mundur sigurimin e diplomave të Fakultetit të Drejtësisë kundrejt përfitimit të shumës së parave prej 7000 eurosh”, komunikon përmes një deklarate të posaçme mbi këtë aksion të kryer preej saj, Policia e Tiranës.

Duke shtuar se këta persona e kryenin këtë aktivitetet duke i depozituar 7 mijë eurot paraprakisht në filiale të ndryshme të bankave në Tiranë, si garanci për përgatitjen dhe dorëzimin e diplomës, afat i cili zgjaste rreth 2 muaj.

Vazhdon intensivisht kryerja e veprimeve hetimore për zbardhjen e plotë të kësaj veprimtarie kriminale, si dhe identifikimi dhe arrestimi i personave të tjerë të implikuar.

Kurse materialet hetimore së bashku me procedimin penal do t’i dërgohen njësisë Task- Force në prokurorinë e Tiranës për veprat penale të “Ushtrim i ndikimit te paligjshme ndaj personave që ushtrojnë funksione publike”, “Falsifikim dokumentash”, “Falsifikim dokumentash shkollore dhe falsifikimi i formularëve në bashkepunim”, parashikuar nga nenet 245/2-186-187-190 e 25 të Kodit Penal.

n.e/NOA

KOMENTE