New Delhi, 21 qershor, NOA – Monika dhe Pink dy të rinj indianë janë bërë sot preja e një krimi për nder, për faktin e vetëm se fisi i vajzës nuk ishte dakord me martesën e saj me një djalë nga një fis tjetër.
Dy të rinjtë e dashuruar janë torturuar e më pas vrarë në një të ashtuquajtur krim për nder.
Trupat e Monikës dhe Pinkut më pas janë shfaqur si shembull për të tjerët në qendër të fshatit, i cili ndodhet në Veri të vendit.
Trupat e 18 vjeçares Monika dhe 19 vjeçarit Pink u gjetën të varur në ventilatorin në tavanin e shtëpisë së një të afërmi të vajzës.
Gjashtë të afërm të vajzës së vrarë, mes të cilëve edhe prindërit e saj kërkohen tashmë nga policia.
Sikundër bëhet e ditur, familja e Monikës nuk e miratonte martesën e vajzës me Pinkun, i cili ishte shitës qumështi, nga e njëjta shtresë shoqërore, por i përkiste një kaste tjetër indiane.
Gjykata e Lartë e Indisë kërkoi rreptësi në ndalimin dhe dënimin e krimeve të tilla, që në të shumtën e rasteve, mbeten të pandëshkuara.
mit/NOA