Elbasan- Arrestohet Polici I Burgut Të Peqinit, Ishte Dënuar Nga Drejtësia Italiane
ELBASAN, 22 Qershor/ATSH- Miranda Sadiku/- Një polic i Burgut të Sigurisë së Lartë në Peqin u arrestua mesditën e sotme nga policia e Elbasanit, pasi drejtësia italiane e kishte dënuar atë në mungesë me 8 vjet burg për disa vepra penale të kryera gjatë periudhës 1991-2001 në shtetin fqinj.
Gjatë një konference për shtyp zëdhënësja e policisë së qarkut, Valbona Begu, tha se "Dritan Maçi, 44 vjeç, lindur dhe banues në qytetin e Peqinit, aktualisht polic në burg, u arrestua në bazë të një vendimi të gjykatës së rrethit gjyqësor të Elbasanit, që ka dhënë ndaj tij masën e sigurisë "arrest me burg".
44 vjeçari Maçi, siç bëri të ditur zëdhënësja Begu, rezulton i dënuar në mungesë në Itali me 8 vjet për veprat penale të "trafikimit të të miturve me qëllim shfrytëzim prostuticioni", "shfrytëzim prostuticioni në rrethana rënduese" dhe "marrëdhënie seksuale me dhunë me të mitura të moshës 14-18 vjeç", të kryera në Itali në periudhën e viteve 1999 - 2001.
Pas njohjes së vendimit të dhënë nga Gjykata e Viçensës në Itali, vendim që ka marrë formë të prerë, Gjykata e Rrethit Gjyqesor Elbasan ka vendosur ndaj shtetasit Dritan Maçi masën e sigurisë "arrest me burg", pasi këto vepra penale parashikohen nga kodet penale të të dy vendeve./s.s./
