Tiranë: Bllokohen Mbi 5 Kilogramë Heroinë, 5 Në Pranga
nës bllokoi të enjten në mbrëmje mbi 5 kilogramë drogë që dyshohet të jetë heroinë, ndërsa arrestoi 5 persona, pas një operacioni të koduar "Servis".
Zëdhënësja e policisë tha në një konferencë për shtyp në orët e vona të mbrëmjes se sotme se tre persona të tjerë do të ndiqen në gjendje të lirë si të implikuar në këtë çështje.
Sipas saj operacioni u finalizua në rrugën Don Bosko në Tiranë, pranë servis "Bashkimi", pas një hetimi 3 mujor.
Zëdhënësja e policisë bëri të ditur për mediat se të arrestuarit tentuan t'i shpëtonin policisë dhe me automjetet e tyre ata kanë krijuar kaos në rrugën "Don Bosko", duke u përplasur dhe me mjete të tjera.
Gjatë këtij operacioni u sekuestruan disa automjete luksoze, pronë e shtetasve të arretuar. /k.sh/
