Gjermani, 25 Qershor NOA - Në vitin 1924 Adolf Hitleri, kur ende nuk ishte në krye të shtetit gjerman, i shkroi një tregtari për të marrë një kredi për blerjen e një Mercedezi. Letra u gjet në një pazar dhe është ende autentike dhe origjinale.
Adolf ishte i interesuar në modelin 11/40, ngjyrë gri me goma të bardha, kjo dhe pse ai kishte frikë në pasigurinë e makinave. Letra e gjetur do të shitet në ankand në muajin korrik.
Ajo ishte shkruar në kohën kur Hitleri ishte në burgun e Landsberg dhe kjo pas puçit të dështuar në Munih. Modeli Mercedes në atë kohë kishte vlerën e 18 mijë markave, dhe Hitleri i shpjegoi pronarit tregtar, Jakob Ferlin, se të ardhurat për autorin e “Mein Kampf”, do të vinin vetëm tre muaj më vonë dhe për këtë arsye ai kërkoi një sasi prej disa markash që të vinin në ndihmë.
Në këtë letër shkruhej: “Unë nuk mund të përballojë një makinë e cila për çdo dy apo tre vjet ka nevojë për riparime të kushtueshme”.
Ajo ishte e pajisur me një motor gjashtë cilindra nga 2.860cc, 11/40, një nga Benzët e fundit me 40 kuaj-fuqi, ishte në gjendje për të arritur 80 kilometër në orë.
Hitleri u lirua nga Landsberg në dhjetor 1924, por nuk është bërë e ditur në qoftë se tregtari ka pranuar kërkesën e tij. E sigurt është, se në të ardhmen Adolf Hitler ka gëzuar një flotë të vërtetë të makinave më të mira të asaj kohe.
r.b/NOA
