Lisbonë - Trupi I Nobelistit Saramago Do Të Prehet Nënhijen E Një Peme Ulliri Njëqind Vjeçare
LISBONË, 26 qershor /ATSH-AFP/ - Eshtrat e shkrimtarit të njohur portugez, i cili vdiq javën e kaluar në moshën 87 vjeçare, do të prehen në një park në Lisbonë nën hijen e një peme ulliri njëqind vjeçar, njoftoi sot Fondacioni i tij në faqen e internetit.
''Eshtrat e nobelistit të njohur Hose Saramago do të prehen në parkun "Campo das cebolas", që ndodhet përballë ''Casa dos Bicos'', selia e Fondacionit Hose Saramago, nën një pemë ulliri njëqind vjeçar'', sipas një komunikate të Fondacionit.
Shkrimtari i njohur portugez që ka fituar çmimin Nobel, Hose Saramago, vdiq të premten në moshën 87 vjeçare në shtëpinë e tij në Spanjë në ishullin Lanzarote.
Saramago një anëtar i partisë komuniste në Portugali, i cili fitoi çmimin Nobel në vitin 1998, shkaktoi polemika gjatë karrierës së tij të gjatë, ku veprat e tij kritikonin historinë portugeze, konservatorizmin dhe fenë./
/ec/
