Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Lushnjë, përdhunohet 9-vjeçarja, dhunuesi ende i lirë
English

Lushnjë, përdhunohet 9-vjeçarja, dhunuesi ende i lirë

Lushnjë, 28 qershor, NOA Update– Dhuna seksuale ndaj të miturve është kthyer në një nga plagët më të rënda të familjes shqiptare.

Dje në qytetin e Lushnjes ka rënë në kthetrat e dhunës seksuale një tjetër e mitur, 9 vjeçarja, me iniciale M.Sh.

Nëntëvjeçarja sipas burimeve nga policia e Lushnjës, banon në Kolonjë të gjyshërit e saj, pasi prindërit punojnë në Greqi.

Sipas informacioneve vajza e mitur është gjendur në pyllin e Ardenicës në gjendje të traumatizuar.

Sipas policisë, e cila ka mundur të zbulojë disa nga momentet e para të ngjarjes së rëndë, vajza e vogël kishte dalë si çdo ditë për të blerë bukë, dhe është gënjyer në një moment nga një i panjohur, i cili i ka ofruar para në këmbim të një shërbimi të vogël, e më pas e ka marrë me vete dhe e ka çuar në pyllin e Ardenicës, ku e ka përdhunuar për disa orë.

E vogla është gjetur në gjendje shumë të rëndë psikike dhe shëndetësore nga dhunimi që përjetoi, ndaj dhe pas mjekimit në spitalin e Lushnjës ajo është dërguar në Qendrën Spitalore Nënë Tereza në Tiranë.

Policia e Lushnjes ende nuk e ka identifikuar mashtruesin e vajzës së njomë, por ai mendohet të jetë jo më shumë se 35 vjeç.

Deri sa të arrestohet, një fakt i dhimbshëm është, se përdhunuesi i të miturës endet i lirë nëpër qytet, pse jo në pritje të një preje tjetër.

mit/NOA
KOMENTE