Sarandë: Bllokohen 2,6 Kg Heroinë, Policia Arreston Poseduesin E Saj
SARANDË, 30 Qershor/ATSH-Telnis Skuqi/ - 2.6 kg heroinë e pastër u bllokua sot nga policia e Sarandës, ndërsa një 27 vjeçar është arrestuar si posedues i lëndës narkotike.
Policia e Sarandës bëri të ditur për ATSH-në, se "Saimir Nexhipi, nga Saranda, u ndalua në fshatin Bamatat, 10 km larg kufirit me Greqinë, prej nga po kthehej ilegalisht bashkë me lëndën narkotike".
Policia tha se 27 vjeçari nuk ka qenë i skeduar më parë si përdorues droge, ndërsa dyshohet se heroina kishte destinacion kryeqytetin.
Ky është rasti i parë gjatë këtij viti që policia e Sarandës bllokon heroinë të pastër./s.s./
