Warning: file_get_contents(https://www.njoftime.net/service/xml-last-ads/): failed to open stream: Connection refused in /var/www/vhosts/lajme.gen.al/httpdocs/v2/site/controllers/genel.php on line 1153
Ikën Uidhers, Aleksandër Arvizu, ambasadori i ri i SHBA në Shqipëri
English

Ikën Uidhers, Aleksandër Arvizu, ambasadori i ri i SHBA në Shqipëri

Uashington, 2 Korrik 2010 NOA - Aleksandër Arvizu, pritet të jetë ambasadori i ri i Shteteve të Bashkuara të Amerikës në Shqipëri, si emër i propozuar nga Presidenti Barak Obama. Arvizu zë vendin e ambasadorit aktual Xhon Uidhers i cili në më të shumtën e kohës ka pasur marrëdhënie të tendosura me qeverinë “Berisha” dhe shpesh e ka kritikuar atë.

Ambasadori Uidhers është ndër të paktët diplomatë të huaj dhe ndoshta ambasadori i vetëm që është kritikuar shumë herë nga mediat për deklarata që cënojnë autoritetin dhe pavarësinë e institucioneve shtetërore shqiptare.

Arvizu

Shefi i Shtëpisë së Bardhë publikoi dje, emrat e disa zyrtarëve të lartë që do të shërbejnë si ambasadorë në vende të ndryshme.

”Jam i lumtur që pranuat të jeni pjesë e administratës që drejtoj”, ka deklaruar presidenti Obama, duke shprehur më tej bindjen se diplomatët do të jenë të suksesshëm në përfaqësimin e diplomacisë amerikane.

Aleksandër Arvizu, një diplomat në karrierë, në rangun e këshilltarit ministror mban aktualisht postin e Drejtorit të Zyrës së Zhvillimit të Karrierës dhe Pozitave në Departamentin Amerikan të Shtetit.

Sikundër bëhet e ditur, Arvizu ka shërbyer më parë si zëvendës Ndihmës Sekretar në Byronë e çështjeve të Azisë Lindore dhe Paqësorit, e po kështu edhe në vende të tjera, si Koreja e Jugut dhe Japonia. Ka punuar edhe në Këshillin e Sigurimit Kombëtar. Aleksandër Arvizu u lind në një bazë ushtarake amerikane në Japoni dhe u rrit në Kolorado. Babai i tij ishte zyrtar i lartë ushtarak në këtë bazë, ku u njoh edhe me nënën e Arvizus, një shtetase japoneze.

Studimet pasuniversitare, Arvizu i përfundoi në Universitetin Xhorxhtaun. Në vitin 1981 u bë pjesë e diplomacisë amerikane. Gjatë viteve 2003-2004, ai ishte anëtar i programit të lidershipit të qeverisë amerikane. Ka studiuar disa gjuhë të huaja aziatike përfshirë këtu gjuhën japoneze, tajlandeze dhe koreane.

Më poshtë vijon CV e plotë e z.Arvizu

DETAJE BIOGRAFIKE MBI AMBASADORIN AMERIKAN NE SHQIPERI

Përmes një Njoftimi për Shtyp, Shtëpia e Bardhë ka konfirmuar se Presidenti Obama do të emërojë z. Alexander A. Arvizu, Ambasador në Republikën e Shqipërisë. Duke komentuar mbi emërimet që priten në shërbimin e jashtëm amerikan, Presidenti Obama tha:

“Jam mirënjohës që këta individë impresionues (u referohet edhe Ambasadorëve të tjerë) kanë pranuar të përfshihen në administratën time. Jam i sigurt se ata do të shërbejnë më aftësi në rolet e tyre të reja dhe shpreh kënaqësinë të punoj me ta gjatë muajve dhe viteve në vazhdim”.

CV e zgjeruar e Ambasadorit Amerikan në Shqipëri

ALEXANDER ARMANDO ARVIZU - Ambasador i SHBA-ve në Shqipëri

Posti që mban aktualisht:

Drejtor i Karrierës për Nivelin e Hyrjes - Zhvillimi i Karrierës dhe Emërimet

(HR/CDA/EL) Burimet Njerëzore/ Zhvillimi i Karrierës dhe Emërimeve) Byroja e Burimeve Njerëzore

VEND BANIMI LIGJOR

Virxhinia

GRADA QË KA NË SHËRBIMIN E JASHTËM

Ministër Këshilltar

ADRESA ZYRTARE

Departamenti Amerikan i Shtetit

Washington, DC

DATA E LINDJES:

15 Mars 1958

VENDLINDJA:

Kampi Ushtarak Amerikan Drew (U.S. Army Camp Drew)

Prefektura Gumma, Japoni

GJENDJA CIVILE:

I martuar

EMRI I BASHKESHORTES:

Anne Florence Cunningham

EMRAT E FEMIJVE:

Yukiko Hailey Arvizu

ARSIMI:

Universiteti Georgetown, 1976 – 1980, i diplomuar në fushën e shkencave në Shërbimin e Jashtëm

Universiteti Doshisha, Student në kuadrin e programit të shkëmbimeve 1978 – 1979

Kyoto, Japoni (program një vjeçar jashtë vendit për të rinj, i padiplomuar) 1980

SHERBIMI USHTARAK:

Nuk ka kryer

GJUHET E HUAJA:

Japonisht (njohuri pune profesionale)

Koreançe (njohuri pune profesionale)

Tailandisht (njohuri të kufizuara profesionale)

Khmere (njohuri të kufizuara profesionale)

PERVOJA:

Nga viti 2009 deri tani

Drejtor i Zhvillimit të Karrierës dhe Emërimeve të Nivelit të Hyrjes

( HR/CDA/SL) Byroja e Burimeve Njerëzore

2007 – 2009

Zëvendës Ndihmës Sekretar, Byroja e Çështjeve të Azisë Lindore dhe Paqësorit

2004 – 2007

Zëvendës Shef i Misionit, Ambasada e SHBA-ve në Bangkok, Tailandë

2003 – 2004

Antar i Seminarit të Lartë, Instituti i Shërbimit të Huaj

2000 – 2003

Zëvendës Shef i Misionit, Ambasada e SHBA-ve në Pnom Pen, Kamboxhia

1999 – 2000

Student i gjuhës khmere, Instituti i Shërbimit të Huaj, Arlington, VA

1998 – 1999

Drejtor i Çështjeve Aziatike, Këshilli i Sigurimit Kombëtar

1997 – 1998

Zëvendës Drejtor, Byroja e Çështjeve Japoneze

1996 – 1997

Ndihmës Special, Byroja e Çështjeve të Azisë Lindore dhe Paqësorit

1994 – 1996

Referent, Byroja e Çështjeve Japoneze

1991 – 1994

Sekretar i Parë/ Nëpunës Politik, Ambasada Amerikane në Bankok, Tailandë

1990 – 1991

Student i Gjuhës Tajlandeze, Instituti i Shërbimit të Huaj, Arlington, VA

1988 – 1990

Pjesëtar i Stafit, pjesëtar i Stafit të Sekretariatit dhe Stafit të Ekzekutivit

1985 – 1988

Sekretar i Dytë/ Nëpunës Politik, Ambasada Amerikane në Seul, Kore

1983 – 1985

Zëvendës Konsull, Konsullata e Përgjithshme Amerikane në Osaka – Kobe, Japoni

1982 – 1983

Zëvendës Konsull, Ambasada Amerikane në Seul, Kore

1981 – 1982

Punonjës i Drejtorisë së Nivelit të Hyrjes, Trajnimit Funksional dhe Orientues, Instituti i Shërbimit të Huaj, Arlington, VA

1980 – 1981

Ministria Japoneze e Arsimit, Seksioni i Programit Mësimdhënës të Anglishtes (paraardhësi i Programit Mësimdhënës Japonisht – Anglisht)

Vlerësime/Medalje

Shpërblim me Pagë për performancë të Lartë në Shërbimin e Jashtëm

Medalje e Lartë Nderi

Medalje Nderi për Merita (në Grup) 1991

BOTIME

Asnjë

r.n/NOA

KOMENTE