Pd: Ps Ka Ndermarrë Fushatë Të Egër Kunder Rritjes Së Pensioneve
TIRANE, 4 Korrik/ATSH-A.Gjonaj/.- Partia Demokratike akuzoi sot opozitën për fushatë të egër kundër vendimit të qeverisë për rritjen e pagave dhe pensioneve.
Në një deklaratë për shtyp, zëdhënesja e PD-së, Erla Mehilli tha se "këto ditë Edvin Rama dhe klubi i milionerëve bllokmenë të rinj ka ndërmarrë një fushatë të egër kundra rritjes së pensioneve, duke e paraqitur këtë rritje si një katastrofë ekonomike".
PD, sipas saj, denoncon këtë pashpirtësi të Ramës dhe kupolës së milionerëve që drejton sot PS, si dëshmi e trashgimisë historike e biologjike dhe shpirtkazmërisë së tyre.
"Të ngrihesh sot kundra rritjes së pënsioneve do të thotë të heqësh cdo maskë dhe të nxjerësh fytyrën e vërtetë çnjerëzore para 520 mijë pensionistëve shqiptarë, të cilët dolën nga regjimi i etërve tuaj më skllevër se çdo qytetar tjetër në planet", deklaroi Mehilli.
Ajo theksoi se të pretendosh se pensionet po rriten duke marrë 70% të kursimeve të shqiptarëve, do të thotë të mashtrosh pa u skuqur 70 herë shqiptarët, pasi asnjë qindarkë nuk është marrë e nuk merret nga cilado qoftë kredi për rritje rrogash e pensionesh nga qeveria aktuale.
PD, u shpreh Mehilli, përshëndet rritjen e rrogave dhe pensioneve nga kjo qeveri si një dëshmi madhore e politikës së saj të zemrës së dhimbsur. /a.ke/
