Ankara, 5 Korrik, NOA – Nëse Izraeli nuk i kërkon ndjesë zyrtare Turqisë për sulmin ndaj anijeve të saj me ndihma humanitare për Rripin e Gazas gjatë muajit majm ku mbetën të vrarë disa aktivistë të saj, atëherë ky vend paralajmëron ndërprerjen e të gjitha marrëdhënieve diplomatike.
Ka qenë ministri i Jashtëm turk, Ahmet Davutoglu, i cili e ka dhënë një ultimatum të tillë, duke theksuar se përkeqësimi i marrëdhënieve mund të mënjanohej vetëm po qe se Izraeli e pranonte përfundimin e një hetimi ndërkombëtar në lidhje me vrasjen e nëntë aktivistëve turq në njërën prej anijeve.
Por Izraeli ka thënë se nuk ka për çfarë të kërkojë ndjesë në lidhje me ngjarjen, e cila në fakt tronditi gjithë opinionin ndërkombëtar.
n.e/NOA
