Leterme: Kryesimi Belg Do Të Fokusohet Te Reformat Ekonomike
STRASBURG, 7 korrik /ATSH-MIA/ - Në gjashtë muajt e ardhshëm kryesimi belg i BE-së do të fokusohet te reformat ekonomike për të përmirësuar kështu situatën ekonomike të bllokut të 27 vendeve i ballafaquar me krizën, deklaroi sot kryeministri belg, Yves Leterme.
Gjatë muajve të fundit, gjendja e rëndë ekonomike e Greqisë dhe frika e përhapjes së saj në Spanjë dhe Portugali lëkundën besimin e BE-së, që ndjeu edhe pasojat nga kriza globale financiare dhe ekonomike.
"Sfida e parë para nesh është ripërtëritja e rritjes ekonomike në mënyrë të qëndrueshme ", deklaroi Leterme në fjalimin para Parlamentit Evropian në Strasburg.
Kryeministri belg theksoi se vendi i tij do të ndërmjetësonte për arritjen e marrëveshjes për rregullimin e fondeve dhe ndërtimin e sistemit të ri të mbikëqyrjes financiare./
a.jor.
