Hanovër, 8 Korrik 2010 NOA – Kapet gjermani 42-vjeçar i kërkuar për vrasjen e dy italianëve në Hanover, ishte arratisur në Spanjë pas krimit të kryer dy ditë më parë.
Gjithçka erdhi pas një mosmarrëveshjeje në lidhje me finalistët e Kupës së Botës dhe sherri u ndez për dy skuadrat përkatëse të zemrës, që ishin praktikisht Italia dhe Gjermania.
Me sa është bërë i ditur autori i dyshuar i kësaj vrasjeje, ishte arratisur në Spanjë. Holger B. ka pranuar se ditën e martë ai ka qenë në Palma, ku kishte gjetur strehim në shtëpinë e njerkut të tij.
Gjykata vendosi të merrte masën parandaluese të arrestit me burg pa afat, ku aktualisht ai ndodhen i arrestuar në një qendër paraburgimi në Spanjë. Vrasësi, siç raportoi një nga dëshmitarët e krimit, i kishte qëlluar të dy italianët pas një debati të ashpër rreth Botërorit.
Njëri prej viktimave të tij ishte gjunjëzuar duke iu lutur të mos e qëllonte, por gjermani 42-vjeçar, qëlloi fatalist mbi të dhe bashkatdhetarin e tij.
Holger B. është paraqitur vullnetarisht në polici, duke rrëfyer për krimin. Vetëm pak orë para se ai të dorëzohej, një zëdhënës i policisë në Hanover kishte deklaruar: “Vrasësi ndodhet në një presion të jashtëzakonshëm dhe kjo sepse ne e dimë kush është.”
r.b/NOA
