Kubë - Disidenti Farinas I Befasuar Nga Lirimi I Të Burgosurve Politikë
MADRID, 9 korrik /ATSH-AFP/ - Opozitari legjendë kubanez, Guillermo Farinas, i cili i dha fund grevës 135-ditore të urisë pas njoftimit për lirimin e 52 të burgosurve politikë, theksoi sot për radion kombëtare spanjolle se ishte befasuar nga vendimi i regjimit komunist.
"Jam befasuar nga ky vendim'', deklaroi Farinas për radion duke shtuar se do t'i japë një periudhë besimi qeverisë për lirimin e 52 të burgosurve.
Gazetari 48-vjeçar, Guillermo Farinas e nisi grevën e tij të urisë më 24 shkurt pas vdekjes të një të burgosuri, një çështje e pazakontë që prej 40 vjetësh që shkaktoi tensione të ashpra në Kubë.
Kisha katolike, ndërmjetësuese në këtë çështje mori muajin e kaluar nga qeveria komuniste miratimin për lirimin e një prej të burgosurve më të sëmurë, Ariel Sigler./
/ec/ a.jor.
