Fier: Masa Shtesë Për Pastrimin Dhe Dezinfektimin Ne Qytet
FIER, 10 Korrik/ATSH -Rr.Isufaj / - Një program i posacëm për të garantuar standarte higjienike në mjediset problematike dhe ujësjellës është hartuar nga Departamenti i Mjedisit në Bashkinë e Fierit si masa për ruajtjen e standarteve higjienike dhe parandalimin e virozave te ndryshme gjate stines se veres, në bashkepunim edhe me institucione të tjera.
"Ky program përfshin pastrimin e ambjenteve publike dhe dezinfektimin e vatrave të ndryshme, që mund të shndërrohen ne burim infeksioni", tha per ATSH-ne përgjegjësi i këtij departamenti, Alban Burda.
Sipas tij, "është rritur shkalla e kontrollit në vendet e depozitimit te mbeturinave dhe pikat e shpërndarjes së ujit të pijshëm, duke bërë klorifikimin e rregullt të tij".
Gjithashtu një program pune përfshin dezinfektimin e tregjeve, urave të lumit Gjanicë, vendstrehimeve (që sipas VKM kanë kaluar nën administrim të ndërmarrjeve publike të pastrimit), konteinereve etj.
Burda tha se procesi i dezifektimit ka filluar në fushën e grumbullimit të mbetjeve urbane të qytetit, disa objekte të veçanta si, qëndrat spitalore, çerdhet etj. /a.ke/
