Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Tadiç: Policë kosovarë në veri? Rexhepi po provokon luftë
English

Tadiç: Policë kosovarë në veri? Rexhepi po provokon luftë

Beograd, 10 Korrik, NOA – Me deklaratat e tij për dërgim të njësive speciale të policisë në veri të Kosovës me qëllim vënien e paqes atje, ministri i Brendshëm i Kosovës, Bajram Rexhepi po bën kërcënime të hapura për luftë.

Një fakt të tillë e ka bërë me dije presidenti i Serbisë, Boris Tadiç, i cili duke komentuar deklaratat e zyrtarit të lartë kosovar, ka kritikuar edhe faktin se për dërgimin e trupave në veri, policia e Kosovës ka marrëveshje me EULEX-in.

Presidenti serb ka deklaruar se “institucionet e përkohshme të Kosovës do të jenë përgjegjëset e vetme për pasojat katastrofale që do t’i sillte realizimi eventual i këtyre kërcënimeve”.

Reagimi i publikuar nga kabineti i Tadiçit, konfirmon sesi deklarata të tilla “luftënxitëse” si dhe provokimet e tjera që mbërrijnë nga autoritetet kosovare, po kërcënojnë paqen dhe stabilitetin e brishtë në veri të Kosovës.

Nga ana e tij shefi i misionit EULEX, Iv de Kermabo, pas kthimit në Prishtinë nga pjesëmarrja në seancën e Këshillit të Sigurimit të OKB-së, përmes një komunikate, ka bërë të ditur se “nuk ka pasur asnjë marrëveshje lidhur me dërgimin e Njësiteve Speciale të Policisë në këtë zonë dhe se EULEX-i vazhdon të punojë me të gjitha palët drejt themelimit dhe trajnimit të një Njësiti Special Policor shumetnik”. n.e/NOA

KOMENTE