Vlorë, Përplaset Nga Autovetura, Humb Jetën 65 Vjeçari
VLORË, 10 Korrik /ATSH-H. Koçi /.- Një 65 vjeçar nga Fieri humbi jetën sot pasdite pas përplasjes nga një automjet, në njërën nga rrugët e qytetit të Vlorës, ndërsa drejtuesi i automjetit është shoqëruar nga policia e qytetit bregdetar.
Burime zyrtare nga Policia e Vlorës bënë të ditur për ATSH-në se ngjarja ka ndodhur rreth orës 18.00 në rrugën "Transballkanike", në qytetin e Vlorës, kur shtetasi Petraq Zaka , teksa lëviste në krahun e djathtë të rrugës, është përplasur dhe është marrë përpara për rreth 50 metra, nga një autoveturë tip "Shevrolet", me targa TR 3996 S, duke mbetur i vdekur në vend.
S
ipas burimeve të policisë, mendohet se shkak i aksidentit ka qenë humbja e kontrollit nga drejtuesi i mjetit, si dhe shpejtësia e lartë me të cilën lëvizte autovetura./m.sh/s.s/
