Kaczynski: Nuk I Dëshirova Ngushëllimet E Putinit Për Vdekjen E Lechut
VARSHAVË, 14 korrik /ATSH-AF/ - Jaroslaw Kaczynski, vëllai binjak i ish-presidentit polak, Lech Kaczynski, i cili humbi jetën në një aksident ajror në Rusi kishte refuzuar ngushëllimet e kryeministrit rus, Vladimir Putin, deklaroi ai në një intervistë të publikuar sot nga e përjavshmja e djathtë polake ''Gazeta Polska''.
"Ambasadori ynë më ka pyetur nëse do të pranoja ngushëllimet nga ana e Putinit. Unë kam refuzuar'', deklaroi Jaroslaw Kaczynski.
Disa orë pas aksidentit, natën e 10 prillit, Jaroslaw Kaczynski mbërriti në Smolensk në perëndim të Rusisë për të identifikuar trupin e presidentit të vdekur.
Në vendin e aksidentit ishin të pranishëm kryeministri rus si dhe kryeministri polak, Donald Tusk.
Sipas Kaczynskit, "roli i kryeministrit Tusk dhe kryeministrit rus, Putin nuk ishte i qartë''
''Për mendimin tim, dy kryeministrat nuk kishin rakorduar për vizitën e presidentit, Lech Kaczynski'', theksoi ai./
/ec/ a.jor.
