Kinë - Ulje Urgjente E Një Avioni Pas Një Alarmi Të Rremë Për Bombë
PEKIN, 15 korrik /ATSH-AFP/ - Një avion me 100 persona në bord dhe që lidhte Urumqin, kryeqyteti i Xinjiangt, në veriperëndim të Kinës me Cantonin bëri një ulje urgjente pas një alarmi të rremë për bombë, theksoi sot agjencia zyrtare kineze e lajmeve Hsinhua.
Avioni i kompanisë ajrore ''China Southern Airlines'' u ul pa hasur ndonjë rrezik dje në mbrëmje në Lanzhou, kryeqytet në provincën Gansu, sipas agjencisë zyrtare të lajmeve.
''Kompania ishte lajmëruar se një bombë mund të ishte vendosur në bordin e avonit'', konfirmuan zyrtarët e sigurisë cituar nga agjencia e lajmeve Hsinhua.
''Të 93 pasagjerët dhe 18 anëtarët e ekuipazhit u evakuan, por në bordin e avionit nuk u gjend asnjë bombë'', theksoi agjencia e lajmeve, Hsinhua.
Një zyrtar nga autoritetet ajrore kineze konfirmoi se bëhej fjalë për një alarm të rremë për bombë./
/ec/ a.jor.
