Durrës, 15 Korrik, NOA – Një makinë ka goditur për vdekje një kalimtar në rrugë, ndërsa autori i këtij krimi është larguar nga vendngjarja në drejtim të paditur.
Ngjarja e rëndë raportohet për agjencinë e Lajmeve NOA nga burimet policore të Durrësit, duke saktësuar se ajo ka ndodhur saktësisht në orët e para duke u gdhirë dita e sotme, në rrugën e vjetër Sukth-Maminas, në afërsi të Fabrikës së Karameleve.
Burimet policore raportojnë se ka qenë një mjet i paidentifikuar, i cili ka goditur me pasojë vdekjen një kalimtar i rastësishëm që kalonte aty në rrugë.
Sipa stë dhënave paraprake të grupit hetimor, mësohet se viktima është e seksit mashkull, e moshës rreth 70 vjeç, ende e paidentifikuar.
Vazhdon kryerja e veprimeve të para hetimore si dhe puna për identifikimin e viktimës dhe autorit të ngjarjes.
n.e/NOA
