Romë, 15 Korrik, NOA – Qeveria italiane e kryeministrit Silvio Berluskoni ka arritur të miratojë një paketë masash shtrënguese për ekonominë.
Paketa e masave e cila ka si qëllim të rregullojë financat publike të vendit, të prekura nga efektet e krizës globale dhe vetë Berluskoni kishte paralajmëruar se qeveria e tij do të jepte dorëheqje nëse nuk do të miratohej kjo paketë e masave ekonomike me vlerë 25 miliard euro.
Konkretisht, kjo paketë përfshin zvogëlim të buxhetit për sektorin publik dhe një reduktim të thellë të shpenzimeve rajonale.
Opozita nga ana e saj ka qenë kundër kësaj pakete, duke thënë se ajo do të ndikojë direkt në mirëqënien e qytetarëve italianë, ndërsa shpresonte që ajo të mos miratohej për shkak të krizës dhe përçarjeve që ekzistojnë në qeverinë Berluskoni aktualisht.
n.e/NOA
